InAfrikaans in Hartenbos

InAfrikaans Konsert
ARCHIVED THIS EVENT HAS LAPSED

Kuier saam met voorste kunstenaars in Afrikaans op Hartenbos

Die eerste In Afrikaans-konsertreeks op Hartenbos in die somervakansie maak dié gewilde vakansie-oord net die plek om te wees oor die feesseisoen. Meer as twintig van ons voorste kunstenaars soos Robbie Wessels, Jay en Lianie May, Leah, Jo Black en Theuns Jordaan gaan optree. En almal word genooi om saam te kom kuier!

Dié konsertreeks – op 20 24, 26, 27 en 30 Desember en 4 Januarie in die nuwe jaar, gaan iets bied vir elke smaak. Of jy nou wil sokkie en dans of eerder akoestiese klanke verkies, met ’n noukeurig saamgestelde program is daar iets vir ’n ieder en elk.

“Ons glo musiek is kos vir die siel en met die betrokke kunstenaars se gesamentlike dinamika op die verhoog, gaan daar meer as een magiese oomblik wees om gehore vas te gryp in die oomblik,” het Jacomien de Villiers, besturende direkteur van Inhoud Huis Musiek en In Afrikaans, gesê. “Elke vertoning is spesiaal vervaardig om aanhangers se siel te voed.”

’n Hoogtepunt op die Hartenbos-strandfront vanjaar is die span van JOOX wat gaan saamkuier en jou sal help om ongekende toegang tot die wêreld van musiek te hê. Boonop sal jy sal ook ’n maand se gratis VIP-lidmaatskap ontvang – met die komplimente van die In Afrikaans konsertreeks. Dit is so maklik en jy kan nóú al die voordele geniet! Laai JOOX van jou Android of IOS App-winkel af en registreer. Tik die kode “inafrikaans” in en siedaar! Jy is ’n VIP-lid – gratis – vir een maand. Hierdie VIP-status stel jou in staat om aflyn na jou gunsteling musiek te luister en dus hoef jy jouself nie te bekommer oor jou data-gebruik nie. Verder kan jy as VIP ook in hoë definisie na jou musiek luister sonder enige advertensies! ‘n In Afrikaans-speellys wat spesiaal deur JOOX vir dié konsertreeks saamgestel is, is nou beskikbaar en jy kan dadelik al daarna luister.

Op Sondag 24 Desember kan jy Oukersaand by kerslig – onder die sterre – saam met Robbie Wessels, Jo Black, Leah en Douvoordag vier. Kersliedere en ’n orkes sal jou na ’n gewyde stemming vir Kersfees verplaas. Alle skenkings wat tydens dié aand ingesamel word, is ten bate van Hartenbos Bejaardesorg.

’n Buitelug-fliekpiekniek met dieselfde atmosfeer as die eertydse inry sal jou ’n stukkie nostalgie laat beleef! Susters, die nuwe Afrikaanse fliek, wys vir die eerste keer by die In Afrikaans konsertreeks aangesien dit eers in Maart 2018 in rolprentteaters landwyd vrygestel word. Leah, Diaan Lawrenson en Quanita Adams vertolk die rolle van drie aangenome susters wat weer herenig word na hul ma se afsterwe. Die temalied, “Nooit Alleen,” deur Jo Black en Leah sal ook op dié aand deur hulle gesing word. Bespreek nou jou kaartjie vir ’n heerlike springmielie-aand op 26 Desember.

Op 27 Desember word Mnr. en Mej. Hartenbos gekroon en vanjaar se Mej. Hartenbos sal ook outomaties deel van die Top 40 in die Sarie Voorbladgesig-kompetisie wees. Karlien van Jaarsveld, Brendan Peyper, Leah, Jan Bloukaas en Georic Lomas is deel van die aand se verrigtinge.

Op 30 Desember kan jy solank begin regmaak vir die nuwe jaar en in beter geselskap as saam met Theuns Jordaan, Robbie Wessels, Karen Zoid, Bok van Blerk, Jo Black, Karlien van Jaarsveld, Elvis Blue en Fatman – om maar net ’n paar name te noem – kan jy nie wees nie.

Die konsertreeks vind plaas op 20, 24, 26, 27 en 30 Desember, asook op 4 Januarie 2018 by ATKV-Hartenbos se amfiteater. As jy dus in die omgewing is, koop nou al jou kaartjies by www.itickets.co.za. Bring jou kampstoel en kombers en kom kuier lekker saam met jou gunsteling Afrikaanse kunstenaars. Daar sal ook kosstalletjies en ’n kroegtent wees, asook CD’s en ander goedere wat verkoop sal word.

Die program is as volg:

  • Woensdag 20 Desember om 19:30: Dans In Afrikaans – Kurt Darren, Juan Boucher, Jay en Lianie May, Ricus Nel. Plus ’n reuse-dansvloer waar daar lekker gesokkie kan word!
  • Sondag 24 Desember om 19:30: Kersfees In Afrikaans – Robbie Wessels, Jo Black, Douvoordag, Leah.
  • Dinsdag 26 Desember om 20:00: Fliek In Afrikaans – Susters met Leah, Diaan Lawrenson, Quanita Adams, Sean Marco Vorster.
  • Woensdag 27 Desember om 19:30: Mnr. & Mej. Hartenbos – Jan Bloukaas, Leah, Brendan Peyper, Karlien van Jaarsveld, Georic Lomas.
  • Saterdag 30 Desember om 19:30: Hartenbos In Afrikaans – Theuns Jordaan, Robbie Wessels, Karen Zoid, Jo Black, Appel, Elvis Blue, Refentse, Lianie May, Dewald Wasserfall, Leah, Bok van Blerk, Karlien van Jaarsveld en Fatman.
  • Donderdag 4 Januarie 2018 om 19:30: Akoesties In Afrikaans – Theuns Jordaan, Riana Nel, Elvis Blue, Jo Black.

Kaartjies beskikbaar by www.itickets.co.za of 086 1000 291. Volg In Afrikaans gerus op Facebook (@InAfrikaans), Twitter (@In_Afrikaans_) of Instagram (@in_afrikaans). Besoek ook die webtuiste by www.inafrikaanshartenbos.com.


Upcoming events in the Cape Winelands



Do you know these Cape Winelands events?

Winelands Web promotes events in the Cape Winelands. We don’t organise events. Always make sure you have contacted the event organisers before you start planning your trip to an event. You find a link to the event’s official website on every event page. We simply cannot guarantee that all information on our website is, and always remains, accurate.